Усё, што засталося за кадрам, у генеральнага пракурора і старшыні Следчага камітэта пасля размовы ў Прэзідэнта спыталіся нашы карэспандэнты. Аляксандр Канюк расказаў, што Генпракуратура ініцыявала надзяліць антыкарупцыйныя камісіі на месцах большымі паўнамоцтвамі.
У сваю чаргу Іван Наскевіч падзяліўся інфармацыяй аб тым, што сёння рыхтуецца ўказ аб стварэнні інстытута Следчага камітэта па павышэнні і перападрыхтоўцы кадраў.
Таксама карэспандэнты закранулі і тэмы, не звязаныя з прафесійнай дзейнасцю суразмоўцаў. У прыватнасці, Аляксандр Канюк расказаў, што ў хуткім часе разлічвае на вынік ад зборнай па лыжных гонках, якія ён курыруе. Кіраўнік федэрацыі ўдакладніў, што звязана гэта з пераменамі, якія нядаўна адбыліся ў зборнай, у прыватнасці, з прызначэннем новага трэнера.