Сталічная ДАІ прапанавала вадзіцелям прайсці тэст і выйграць прыз. Пяць літраў маторнага масла за дзевяць правільных адказаў.
Ці забіралі правы ў двоечнікаў, раскажа Якаў Бута.
Апошняе пытанне для Алены Гладковай аказалася самым цяжкім. Менавіта гэтай тэмы яна баялася пры здачы экзамену ў ДАІ.
Як адзначаюць інспектары, дзяўчаты ведаюць тэорыю лепш за мужчын. Напрыклад, Андрэй з пятнаццацігадовым стажам адразу заваліў іспыт. Але атрымаў суцяшальны прыз.
На планшэце - дзесяць пытанняў на розныя тэмы. Усё, як у ДАІ. Дапускаецца толькі адна памылка. Калі на пытанне тэсту ты не адкажаш, правы, вядома, у цябе ніхто не забярэ. Але і прыз у выглядзе пяці літраў маторнага масла ты не атрымаеш.
Усяго з 17 чалавек экзамен завалілі 12. Паказчык не ўражвае, таму ДАІ раіць асвяжыць свае веды тэорыі - віктарыны будуць працягваць.