ПВТ і медуніверсітэт падпісалі пагадненне аб супрацоўніцтве

Рэзідэнты ПВТ сёння паказалі ўраду і Міністэрству аховы  здароўя свае IT-распрацоўкі ў ахове здароўя. Сярод іх 3D-прынтар лічбавага стаматолага ў дапамогу ўрачу для вырабу імплантаў, шлем віртуальнай рэальнасці для рэабілітацыі дзяцей з ДЦП, нейранавігатар для хірургаў-траўматолагаў, які дазваляе больш дакладна планаваць усю аперацыю, і распрацоўка стартапа па выяўленні рызык онкозахворванняў па ўтварэннях на скуры. Многія з гэтых праектаў ужо тэстуюцца ўрачамі на практыцы. Вялікая зацікаўленасць у іх ёсць і ў замежных клінік. 

Для прыцягнення да новых распрацовак будучых урачоў сёння ў парку падпісалі і пагадненне аб супрацоўніцтве паміж ПВТ і нашым медуніверсітэтам. І гэта стане чарговым крокам па лічбавізацыі беларускай аховы здароўя.

Такія дні ўрада ў ПВТ плануюць прысвячаць і іншым тэмам: напрыклад, IT-рашэнням у адукацыі, прамысловасці, сельскай гаспадарцы, каб высокія тэхналогіі ўкараняліся ў рэальную эканоміку і дапамагалі выходзіць на новы ўзровень нашым прадпрыемствам, павышаючы іх эфектыўнасць і запатрабаванасць прадуктаў і паслуг на рынку Беларусі і за мяжой.