Пажарная служба Беларусі адзначае знакавую дату. Менавіта ў гэты дзень 164 гады таму ў Мінску з'явілася першая пажарная часць.
Сёння ратавальнікі вызваляюць людзей не толькі з полымя. За жыццё яны змагаюцца на вадзе, на вышыні і нават пад зямлёй. Аб прафесіяналах, у якіх няма выхадных, - у наступным рэпартажы.
Праца ў ратавальнікаў пачынаецца з гулам сірэны, дабегчы да адзення і апрануцца трэба ўсяго за 30 секунд.
Тут жа ў ратавальніка-навічка здарыўся піт-стоп - апрануць дыхальны апарат разам з балонам хутка не атрымаецца. На шчасце, побач было каму прыйсці на дапамогу.
Трапіць жа з агню ў полымя ратавальнікі могуць у спецыяльных цеплаўстойлівых даспехах - супрацьпажарны скафандр на некалькі дзясяткаў секунд стане шчытом ад полымя тэмпературай больш як 800 градусаў.