Прафсаюзы будуць рэкамендаваць наймальнікам уключаць у калектыўныя дамовы пенсіённае назапашванне як норму

Пра гэта паведаміў старшыня Федэрацыі, наведваючы прадпрыемства "Камінтэрн" у Гомелі. На думку Міхаіла Орды, пытанні дадатковага пенсіённага страхавання застаюцца сярод актуальных для работнікаў многіх сфер. А значыць, гэта пытанне будзе на асаблівым кантролі і ў Федэрацыі прафсаюзаў.

"Камінтэрн"  экспартуе да 70 % прадукцыі 

Старшыня ФПБ азнаёміўся з працай прафсаюзнага актыву і пагаварыў з работнікамі вытворчых цэхаў. Міхаіл Орда адзначыў, што "Камінтэрн" даволі паспяховае экспартна арыентаванае прадпрыемства: да 70 % прадукцыі рэалізуецца за межамі Беларусі. Пры высокай канкурэнцыі прадпрыемству ўдаецца напаўняць партфель заказаў і пашыраць асартымент прадукцыі.