Прафілактычная акцыя МНС "Дзень бяспекі. Увага ўсім!"

2 марта 2021
Што рабіць у выпадку пажару і як паводзіць сябе пры эвакуацыі.  Ратавальнікі сёння пачалі рэспубліканскую акцыю "Дзень бяспекі. Увага ўсім!"  Арганізавана яна ў два этапы. Так, да 12 сакавіка інтэрактыўныя сустрэчы спецыялісты правядуць у школах і інтэрнатах, у гандлёвых цэнтрах і на спартыўных аб'ектах.
 

У другой палове месяца да прафілактычных гутарак падключацца і сельскія жыхары

Замацаваць веды аб правілах бяспекі дапамогуць таксама тэматычныя відэаролікі і інтэрактыўная фотавыстава. Акрамя гэтага, падчас мерапрыемстваў арганізуюць зоны актыўнасці, пакажуць тэатралізаваныя пастаноўкі і наглядныя эксперыменты ў "Пажарнай лабараторыі".