Праект Кодэкса аб адміністрацыйных правапарушэннях вынесены на грамадскае абмеркаванне

21 Мая 2020
Вадзіцеляў чакаюць і некаторыя іншыя змяненні. Гэтымі днямі ідзе абмеркаванне новай рэдакцыі Кодэкса аб адміністрацыйных правапарушэннях. Мабыць, адна з самых папулярных тэм – змяненні ў галіне правіл дарожнага руху. МУС ужо некалькі гадоў прапануе ўвесці штрафныя балы за ўчыненыя правапарушэнні. На думку  ведамства, гэта дысцыплінуе заядлых парушальнікаў. Сутнасць простая: сабраў 10 або больш адзнак - пазбаўленне правоў на паўгода.

Балы будуць залежаць ад таго, у якую катэгорыю трапляе пэўнае парушэнне. Напрыклад, 1 бал дадуць за непрышпілены рэмень, парушэнне патрабаванняў разметкі або язду без тэхагляду.

2 балы - за парушэнні больш  сур'ёзныя: напрыклад, перавышэнне хуткасці больш як на 40 кіламетраў за гадзіну, або калі бяспраўнік трапіў упершыню за рулём.

3 балы налічаць за перадачу правоў кіравання п'янай асобе, стварэнне аварыйнай сітуацыі, небяспечны абгон, пакіданне месца ДТЗ.

Набраў 6 балаў -  размова з вадзіцелем пойдзе ў іншым ключы, за тыя ж парушэнні прыйдзецца плаціць па максімуме.

Таксама   ёсць спіс парушэнняў, за які балы налічвацца не будуць. Напрыклад, кіраванне аўто з нумарам, які не чытаецца, парушэнне правіл прыпынку-стаянкі аўто, адсутнасць страхоўкі, перавышэнне хуткасці да 20 км/ч і іншае. 

Аляксандр Шаўчэнка, начальнік аддзялення галоўнага ўпраўлення ДАІ МУС Беларусі: "Балы будуць дзейнічаць на працягу года, пасля чаго будуць спісвацца. Балы, пацягнуўшыя пазбаўленне права кіравання, г.з. пры наборы 10 і больш балаў, гэтыя балы будуць таксама спісаныя пасля пазбаўлення права пастановы. Калі пастанова было скасавана або страціла сілу, балы таксама будуць анулявацца".

Пры п'янай яздзе балы налічвацца не будуць, паколькі такія паводзіны на дарозе аўтаматычна пазбаўляюць вадзіцеля права кіравання на 3 гады. Азнаёміцца з поўным спісам усіх правапарушэнняў - мінулымі і дзеючымі -  можна будзе ў анлайн-кабінеце. 

Усе нормы пакуль адкрытыя для абмеркавання. Выказаць сваё меркаванне можна на Нацыянальным прававым партале да 27 мая. Нашы карэспандэнты таксама далучыліся да апытання.