З'яву "дып фэйк" павінны абмяркоўваць у парламенце з пункту погляду закона
Да такога меркавання прыйшлі эксперты ў галіне інфармацыйнай бяспекі падчас чарговага пасяджэння праекта "Экспертнае асяроддзе". Тэмай абмеркавання гэтым разам стала з'ява фэйкавых - ілжывых - навін, у прыватнасці, тэхналогіі глыбокага фэйку, пры дапамозе якіх можна стварыць падробленае відэа, дзе адзін твар змяняецца на іншы. Зразумець, што відэа падробленае, без дапамогі спецыяльных тэхналогій складана. Як адзначаюць эксперты, пытанне барацьбы з глыбокімі фэйкамі - гэта пытанне не толькі тэхнічнае і сацыяльнае, але і прававое.Віктар Навумаў, старшы навуковы супрацоўнік Інстытута дзяржавы і права Расійскай акадэміі навук: "Калі мы жывём ва ўмовах блогасферы, інфармацыя пэўных карыстальнікаў можа цытавацца на ўзроўні кіраўнікоў дзяржаў. І ў гэтых сітуацыях інфармацыйнае заканадаўства аказалася непрыстасаваным да масавага распаўсюджвання непраўдзівай інфармацыі, калі такая можа ўплываць не толькі на пэўных людзей, але і можа ўплываць на грамадства, на міждзяржаўныя адносіны і, сапраўды, можа парушаць многае, аказваць негатыўны ўплыў на інтарэсы многіх-многіх".
Віталь Дзяміраў, аналітык Беларускага інстытута стратэгічных даследаванняў: "У гэтай сувязі мы можам сапраўды ўявіць, наколькі небяспечны патэнцыял, калі ў вусны палітыкаў, асоб, якія прымаюць рашэнні, можа ўкладвацца сур'ёзная інфармацыя, інфармацыя, якая кампраметуе. Пры гэтым важна тое, што тэхналогіі па вызначэнні падробленых відэа пакуль у завершаным выглядзе не існуе, і больш за тое, калі яны будуць зробленыя, калі яны будуць апрацоўваць відэа доўга… Вось зараз нават кароткі ролік дып фэйк робіцца тыднямі, умоўна гаворачы, то ролік ужо можа паспець выклікаць вызначаны сацыяльны эфект".
