У Жодзіне працягваецца будаўніцтва дзіцячай паліклінікі. Гэта новы і значны аб'ект аховы здароўя Мінскай вобласці. Будынак размясціўся ў самым цэнтры горада. Разлічаны на 300 наведванняў за змену. У 4-павярховай паліклініцы будуць кабінеты з самым сучасным абсталяваннем, у тым ліку стаматалогія, лабараторнае, фізіятэрапеўтычнае, а таксама дыягнастычнае аддзяленні. Адзначым, за 5 гадоў за кошт натуральнага прыросту насельніцтва горад вырас больш чым на тысячу чалавек. Адкрыццё новай жодзінскай паліклінікі адбудзецца ў верасні наступнага года.
Дададзім, самім медыцынскім работнікам Жодзіна ў няпростых эпідэмічных умовах фінансава дапамагаюць як галіновыя прафсаюзы, так і прамыслоўцы горада.
