У Беларусі 351 выпадак каранавіруса
Паводле слоў Алены Богдан, сёння сітуацыя ў краіне абсалютна кантраляваная. У Беларусі на сёння зарэгістраваны 351 выпадак каранавіруснай інфекцыі. Акрамя таго, Міністэрства аховы здароўя прыняло шэраг арганізацыйных загадаў, якія накіраваныя на працяг кантролю за сітуацыяй з распаўсюджваннем COVID-19.Самаізаляцыя кантактаў першага і другога ўзроўняў
Сёння ж у Міністэрстве аховы здароўя растлумачылі, якім чынам будзе весціся медыцынскае назіранне за кантактамі першага і другога ўзроўняў
Алена Богдан, намеснік міністра аховы здароўя Беларусі: "Улічваючы, што ў кантактных асоб другога ўзроўню пры ўзнікненні вострага рэспіраторнага захворвання адразу праводзіцца шпіталізацыя і абследаванне на каранавірусную інфекцыю. У выпадку выяўлення адмоўнага выніку і ў выпадку адсутнасці пагаршэння стану, няцяжкага праходжання рэспіраторнага захворвання, такія пацыенты змогуць прадоўжыць лячэнне дома ва ўсталяваным парадку пад назіраннем участковых урачоў. Кантакты першага ўзроўню: мы прааналізавалі сітуацыю і ўсталявалі, што асноўнае праяўленне развіцця захворвання ў кантактаў першага ўзроўню настае на другія-пятыя суткі. Намі прынята рашэнне, што кантакты будуць знаходзіцца ў нашых установах. Пры адсутнасці клінічных праяўленняў на 6-7 суткі будзе праведзена даследаванне на каранавірусную інфекцыю. Калі ў нас будзе атрыманы адмоўны вынік, такія пацыенты будуць выпісаныя ў хатнія ўмовы".
Пры гэтым медыкі рэкамендуюць такім пацыентам выконваць хатні рэжым самаізаляцыі да 14-га дня. Як адзначылі ў Міністэрстве аховы здароўя, падыход да такіх пацыентаў будзе індывідуальным. І калі ў чалавека не будзе магчымасці самаізалявацца, то ён зможа заставацца ў лячэбных установах на працягу двух тыдняў.
