Моцныя маразы прыйшлі на змену снегападам у Беларусі. Як паведамілі нашаму Агенцтву ў Белэнерга, ноч са значным мінусам у краіне прайшла спакойна. Паводле інфармацыі МНС, у сталіцы сёння раніцай адбылося ўзгаранне гарадскога аўтобуса.
Пра пажар паведаміў вадзіцель тралейбуса. Ратавальнікі, якія прыбылі па выкліку, патушылі транспартны сродак. У аўтобусе было прыкладна 15 чалавек, ніхто не пацярпеў. Магчымая прычына здарэнне - кароткае замыканне.
Як адзначылі ў Мінсктрансе, інцыдэнт не выклікаў затрымак у руху гарадскога грамадскага транспарту ў гэтым раёне. Зараз усе маршруты ў сталіцы ажыццяўляюцца ў штатным рэжыме. Ратавальнікі рэкамендуюць вадзіцелям у такі мароз па магчымасці адмовіцца ад паездак. А людзям без неабходнасці, асабліва дзецям і пенсіянерам, не выходзіць з дома. Прагноз на найбліжэйшыя дні несуцяшальны. Слупкі тэрмометраў апусцяцца яшчэ ніжэй - да мінус 27 днём і 32 ноччу. Паслабленне марозу варта чакаць толькі ў сярэдзіне наступнага тыдня.
