Разбор палётаў ад Прэзідэнта атрымалі ўсе асноўныя сегменты медыярынку. Так, ад друкаванага слова чакаюць аналітыкі і лічбавізацыі. Класічнай журналістыцы з рэпутацыяй варта актыўна і маштабна канвертаваць матэрыялы ў фарматы анлайн-журналістыкі і працаваць на маладую аўдыторыю, а яна жыве з гаджэтам у руцэ. Тэлевізару быць, тут прыярытэт - нацыянальны прадукт. Да канца года кантэнт сваёй вытворчасці ва ўсіх тэлеканалаў не павінен быць ніжэйшым за 30 %. Фактычна гэта першая лінія абароны інфармацыйнага суверэнітэту. З шасці галоўных кнопак нашага холдынга гэты паказчык даўно перавысілі першая, трэцяя, спартыўная пятая і спадарожнікавая 24-я. Адставанне ёсць у сацыяльна-забаўнай другой кнопкі - "Беларусь 2". Але на гэтым адбіліся выдаткі на мадэрнізацыю і недахоп яркіх нацыянальных праектаў і серыялаў. Зрэшты, праблемы нашага цэха Кіраўнік дзяржавы, як паказала нарада, ведае да нюансаў. А па шматлікіх навацыях выступае не столькі медыякрытыкам, колькі ініцыятарам мадэрнізацыі.
У фармаце адкрытага дыялогу Прэзідэнт прапанаваў абмеркаваць не толькі жыццёвыя праблемы СМІ, але і актуальны палітычны парадак дня. Напрыклад, адносіны з усходнім саюзнікам па выніках перамоў у Сочы. Большасць кіраўнікоў СМІ - яркія публіцысты і вядучыя аўтарскіх праектаў, ім важна ведаць палітычную драматургію моманту з першых вуснаў. Падрабязнасці нарады ў нашых наступных выпусках і ў аўтарскіх праектах. У Белтэлерадыёкампаніі гэта "Клуб рэдактараў" і фармат спецыяльнага госця.