Прэзідэнт правёў ратацыю ў кіраўніцтве ўпраўленняў Следчага камітэта

31 Кастрычніка 2019
Прэзідэнт правёў ратацыю ў кіраўніцтве ўпраўленняў Следчага камітэта ў абласцях і Мінску. Адпаведныя ўказы падпісаны сёння Кіраўніком дзяржавы. Дакументы прынятыя з мэтай развіцця кадравага патэнцыялу следчых падраздзяленняў і рэалізацыі антыкарупцыйнай палітыкі ў краіне.

Так, Дзмітрый Канаплянік прызначаны начальнікам упраўлення Следчага камітэта па Брэсцкай вобласці. 

Сталічнае ўпраўленне ўзначаліць Сяргей Паско. Пасаду начальніка ўпраўлення Следчага камітэта па Гомельскай вобласці зойме Сяргей Удавікоў. Ратацыя праведзена і ў іншых рэгіянальных упраўленнях Следчага камітэта. Упраўленне па Віцебскай вобласці ўзначаліць Павел Ігнатаў. Кіраваць упраўленнем Следчага камітэта па Мінскай вобласці будзе Андрэй Ліс. Уладзімір Шалухін прызначаны начальнікам упраўлення ведамства па Магілёўскай вобласці.

Як адзначыў старшыня СК Іван Наскевіч, кіраўнікам настаў час змяніць не  сферу дзейнасці, а тэрыторыю. Гэта дапаможа ажывіцца не толькі галоўнаму звяну, але і калектыву, у якім яны будуць працаваць. Да таго ж гэта палепшыць якасць выканання задач, паколькі дасць імпульс падначаленым вызначыцца на службе.