Прэзідэнт наведвае Цэнтр неўралогіі і нейрахірургіі.

Сёння гэта запатрабаваў Прэзідэнт Аляксандр Лукашэнка, наведваючы Цэнтр неўралогіі і нейрахірургіі. Гэтая сучасная клініка толькі адкрылася пасля рэканструкцыі, ход якой быў пад асабістым патранажам Кіраўніка дзяржавы. Сродкі ўкладзеныя немалыя, але дзякуючы ім беларускія нейрахірургі зараз могуць выконваць найскладанейшыя аперацыі на высокім сусветным узроўні. Цэнтр абсталявалі найноўшым абсталяваннем як для дыягностыкі захворванняў, так і для аператыўнага ўмяшання. Асобныя апараты не маюць аналагаў у СНД, а некаторыя толькі ўкараняюцца ў вядучых клініках ЗША і Японіі.

Штогод у гэтай клініцы змогуць атрымліваць дапамогу больш за 6 тысяч пацыентаў. І калі раней у складаных выпадках была неабходнасць накіроўваць беларусаў на аперацыі за мяжу, то зараз з сітуацыяй справяцца і айчынныя нейрахірургі. Аляксандр Лукашэнка азнаёміўся з магчымасцямі новых аперблокаў, рэанімацый, пагутарыў з урачамі і пацыентамі. Падкрэсліў, што да канца пяцігодкі асноўныя работы па мадэрнізацыі аховы здароўя ў Беларусі неабходна завяршыць. Пры гэтым перадавыя тэхналогіі павінны з такіх цэнтраў ісці ў рэгіёны. Прэзідэнт звярнуў увагу на неабходнасць выхаду на натуральны прырост насельніцтва ў Беларусі ўжо да 2015.
Прэзідэнт закрануў таксама тэму павышэння зарплат для медыцынскіх работнікаў. І зазначыў, што будзе і патрабаванне. Рэзервы на павышэнне аплаты працы клінікі могуць знайсці таксама самастойна за кошт экспарту медыцынскіх паслуг.