Нявызначанасці не церпіць і сілавы складальнік дзяржавы. На тыдні кадравая ратацыя ў ім умацавала нацыянальную бяспеку. Менавіта так лічаць эксперты і называюць рашэнні Прэзідэнта наконт дзяржсакратара Савета бяспекі і кіраўніцтва Мінабароны чаканымі і цалкам лагічнымі.
Чаму чаканыя? Пасля прасоўвання Станіслава Зася па міжнароднай лініі (са студзеня ён генеральны сакратар АДКБ) трэба было вызначацца, хто зойме пасаду ў беларускім Савеце бяспекі. Удасканаленне нацыянальнай бяспекі на гэтай пасадзе па сілах вопытнаму армейскаму генералу Андрэю Раўкову. Міністр пайшоў на павышэнне і цалкам зразумела, што адным махам прынята рашэнне і па першай асобе ў абаронным ведамстве - міністэрства з гэтага часу ўзначальвае Віктар Хрэнін.
Кіраўніком Генштаба Узброеных сіл прызначаны Аляксандр Вальфовіч. Гэтыя прызначэнні ўкладваюцца ў шматгадовую логіку Прэзідэнта: не ламаць, а ўдасканальваць. Стаўка на пераемнасць, на прафесіяналаў сваёй справы і тых, хто ведае гэту службу знутры.
Прэзідэнт прызначыў новых кіраўнікоў ваеннага блока. Стаўка на тых, хто ведае гэтую службу знутры
26 января 2020