Міністр эканомікі пра стымулы для набыцця электратранспарту
Як распавёў журналістам міністр эканомікі, з 6150 электрамабіляў, якія купілі за 3 гады, 5700 - гэта машыны, набытыя з моманту рэалізацыі ўказа, г.з. са стымулам ад дзяржавы. І гэта праца будзе прадоўжана. Стымулы будуць распаўсюджвацца не толькі на простых грамадзян, але і на бізнес, а таксама на шырокую лінейку электратранспарту.
Прэзідэнт паставіў задачу па стрымліванні росту цэн, каб яны не перавышалі прымальны для насельніцтва ўзровень. Асабліва гэта датычыцца кошту прадуктаў харчавання. Гэта адна з самых адчувальных пазіцый для насельніцтва. Нараўне з прыняццем антыінфляцыйных мер парадак павінен быць наведзены там, дзе пачынаецца эканоміка галіны, якая гарантуе харчовую бяспеку.
У Беларусі створаць Нацыянальны цэнтр па абароне персанальных звестак
Важнае рашэнне - у Беларусі створаць Нацыянальны цэнтр па абароне персанальных звестак. Дарэчы, аднайменны закон уступае ў сілу ўжо з 15 лістапада. Рашэнне на злобу дня, бо сёння абарона асабістай інфармацыі ў Сусветнай павуціне - адна з асноў бяспекі грамадства. Як адзначыў начальнік аператыўна-аналітычнага цэнтра Андрэй Паўлючэнка, гэта меры, якія дапамогуць людзям засцерагчы сябе ад непажаданых "сліваў" і ўмяшання ў прыватнае лічбавае жыццё.
Мёрскі металапракатны завод будзе працаваць
Падрабязна на нарадзе ў Прэзідэнта абмеркавалі і сітуацыю на Мёрскім металапракатным заводзе. Так, па сутнасці, гэта прыватны праект, які прыкметна забуксаваў. Аднак на прадпрыемстве працуюць прыкладна 600 чалавек. І іх ніхто не кіне - дзяржава зробіць усё магчымае, каб выратаваць вытворчасць.
На нарадзе абмеркавалі, наколькі мы ўпэўнена ўступаем у зімовы перыяд. Неабходна запоўніць стабілізацыйныя фонды, якія дазволяць пазбегнуць тых самых скачкоў цэн і стануць фундаментам стабільнасці спажывецкага рынку міжсезоння. Прэзідэнт звярнуў увагу, што ў лістападзе чакаецца грунтоўная размова аб гатоўнасці да зімы і запаўняльнасці сховішчаў для агародніны.