Вядомыя інфекцыёлагі свету сёння сабраліся на прэзентацыі новай методыкі барацьбы з гепатытам С.
Сутнасць яе ў трайной тэрапіі, якая блакіруе размнажэнне віруса і стымулюе імунную сістэму. Акрамя абмеркавання балючых пытанняў урачы адзначылі стогадовы юбілей Мінскай інфекцыйнай клінічнай бальніцы.
З месца падзей Станіслаў Ліпскі.
Больш за 40 тысяч хворых на гепатыт С сёння налічваецца толькі ў цэнтральным рэгіёне краіны. Хвароба прагрэсіруе і лічыцца чумой 21 стагоддзя. Пра новыя метады барацьбы і прафілактыкі гепатыту С сёння ішла размова ў гарадской ратушы сталіцы.
Канферэнцыя адкрылася з цырымоніі ўзнагароджання лепшых урачоў-інфекцыяністаў рэгіёну. Нагода - стагадовы юбілей Мінскай гарадской інфекцыйнай бальніцы.
Дарэчы, менавіта з адкрыцця гэтай лячэбнай установы і пачалася гісторыя барацьбы з інфекцыйнымі захворваннямі ў краіне.
Тэма канферэнцыі: гепатыт С. Хвароба перадаецца парэнтэральным шляхам - гэта значыць, праз кроў, супраць яе не існуе вакцыны. Аднак методыкі барацьбы, прычым паспяховыя, сёння прадэманстравалі ізраільскія вучоныя.
Гэта прарыў у лячэнні гепатыту. У краіне штогод выяўляецца каля паўтары тысячы пацыентаў з гэтай хваробай.
Гаварыць, што з гепатытам С жыць немагчыма сёння не прыходзіцца. Методыкі лячэння ўдасканальваюцца.
Аднак здароўе чалавека ў значнай ступені залежыць ад яго.