Якія яшчэ праекты і інавацыі прывязуць дахаты ўкраінскія журналісты і пра што распавядуць у сваіх матэрыялах, высвятляў Дзмітрый Смірноў.
Тур украінскіх журналістаў быў насычаны не толькі з экскурсійнага пункта погляду. Карэспандэнты атрымалі прамы доступ для інтэрв'ю з кіраўнікамі раёнаў і вобласці, змаглі пагутарыць і з бізнесменамі. Апошнія распавялі, як вядуць свой бізнес у Беларусі.
Адзін з тых, хто адказаў на пытанні, апынуўся суайчыннікам журналістаў. Выхадзец Вінніцкай вобласці Украіны зараз адкрывае цэментны завод у Беларусі. Для журналістаў гэта свайго роду поспех і яскравы прыклад эканамічнага супрацоўніцтва дзвюх краін.
Украінскіх журналістаў першым чынам цікавілі тры пытанні: як улада ўзаемадзейнічае з медыя, што змянілася ў Беларусі за апошні час і як зарабляюць газеты. Адказ на апошняе пытанне многія яшчэ доўгі час лічылі ў сябе фактычна немагчымым.
Сэнс працы журналіста, на думку гасцей, наўрад ці адрозніваецца ў Беларусі і Украіне. Ёсць толькі адна розніца - ва Украіне зараз піяршчыкаў стала больш за журналістаў.
Афіцыйны статус удзельнікаў прэс-тура, дарэчы, дазволіў шматлікія ідэі ўвасабляць адразу на месцы. У прыватнасці, старшыня Нацыянальнага саюза журналістаў Украіны пасля вяртання збіраецца ініцыяваць прыняцце адзінага падатку для раённых газет.
Алег Налівайка, старшыня Нацыянальнага саюза журналістаў Украіны, прэзідэнт інфармацыйнага агенцтва УНІАН: Як член калегіі дзяржтэлерадыё Украіны думаю, што буду таксама ставіць пытанне аб увядзенні адзінага падатку, таго, на якім працуюць раённыя газеты. Досыць такая цікавая схема - чыста эканамічная. Таму што ў нас газеты працуюць на агульным падаткаабкладанні, і выжываць складана.
Яшчэ адным вынікам прэс-тура стаў рэальны кантракт - кіеўская студыя купляе дзіцячую тэлепраграму, створаную на гродзенскім тэлебачанні. Іншыя СМІ - радыё і газеты - таксама працуюць над сумеснымі праектамі.
