Выкладчык па майстэрстве акцёра, тэхніцы і культуры мовы Дзіна Тыцюк адзначае юбілей

31 Мая 2019
У яе заўсёды з сабой розныя віды слоўнікаў і абавязкова антыслоўнік, які папаўняецца дзякуючы маўленчым памылкам людзей на вуліцы, у транспарце, ВНУ. Сёння свой юбілей адзначае Дзіна Тыцюк - дацэнт кафедры мастацтва эстрады Універсітэта культуры. Выкладчык па майстэрстве акцёра, тэхніцы і культуры мовы, а таксама асновах этыкету з'яўляецца пастаянным кансультантам работнікаў тэлебачання, радыё і зорак беларускай сцэны. З майстрам сустрэлася і Вольга Мядзведзь.

Яна ставіла голас нашым прадстаўнікам на "Еўрабачанні" і "Славянскім базары", праз яе трэнінгі па тэхніцы мовы прайшла большасць селебрыці нашай эстрады, а па майстар-класы па этыкеце да Дзіны Тыцюк звяртаюцца і самыя статусныя людзі, напрыклад, з пракуратуры, банкаў і нават Міністэрства замежных спраў.

Не бранІраваныя, а браніравАныя машыны, не гАла-канцэрт, а галА.  І калі жалюзІ  гэта ўжо класіка, то вось грэнкІ, а не звыклыя грЭнкі для многіх становяцца адкрыццём. 

Яе малая радзіма ва Украіне, вучылася ў эталонным Пецярбургу, а жыць, прыехаўшы па размеркаванні, засталася ў беларускай сталіцы. Дзіна Тыцюк працавала ў тэатры  пры БДУ, а пасля запрасілі ва Універсітэт культуры, дзе яна выкладае ўжо больш за 40 гадоў.

Яе выпускнікі раскіданыя па свеце - гэта і акцёры, і вакалісты, і, вядома, вядучыя. Дзякуючы Дзіне Тыцюк гаварыць у адпаведнасці з нормамі пачалі многія з экранаў, бо майстар слова пастаянны кансультант тэле- і радыёвяшчання. 

Віншаванні з круглай датай Дзіна Тыцюк будзе прымаць і заўтра. Так атрымалася, што ў яе адразу два дні нараджэння. З'явілася на свет Дзіна 31 мая, але мама, паддаўшыся забабонам, па дакументах аформіла дачку на 1 чэрвеня.