Тактыка-спецыяльныя вучэнні і рэспубліканскі семінар сабраў у Наваполацку кіруючы склад аператыўна-тактычных службаў органаў і падраздзяленняў па надзвычайных сітуацыях з усіх абласцей Беларусі. Пляцоўка для маштабных вучэнняў - адна з установак на заводзе "Нафтан". Паводле сцэнарыя, тут адбыўся выбух з наступным узгараннем. Перад байцамі МНС стаяла задача ліквідаваць аварыю за максімальна кароткі час. Асаблівую ўвагу надалі надыходзячаму пажаранебяспечнаму перыяду.
Таксама ўдзельнікі семінара ацанілі сучаснае абсталяванне і перадавыя тэхналогіі для маніторынгу надзвычайных сітуацый.
