Да 2030 года колькасць насельніцтва беларускай сталіцы не павінна перавысіць двух мільёнаў чалавек. Гэта прадугледжана генпланам развіцця Мінска да 2030 года. Дакумент апублікаваны на сайце Мінгарвыканкама і зараз даступны для ўсіх ахвотнікаў. Сярод іншых важных параметраў - развіццё жыллёвага будаўніцтва ў гарадах-спадарожніках, стварэнне ў сталіцы паркавых зон - больш за дзве тысячы гектараў - і так званых перахапляльных парковак. Працягнецца рэканструкцыя гістарычнага цэнтра. Планам прадугледжваецца і далейшае развіццё транспартнай інфраструктуры сталіцы: метро, чыгуначнага транспарту, а таксама трамвайнай сувязі.
Апублікаваны новы генплан развіцця Мінска да 2030 года
16 октября 2016