Прапанова рукі і сэрца скончылася хуліганствам
24 февраля 2020
У Гомелі аштрафавалі хлопца, які залез у акварыум з рыбай у адным з супермаркетаў абласнога цэнтра. Відэа з'явілася ў сацыяльных сетках. Сёння герой гісторыі (23-гадовы хлопец з Брагінскага раёна) сам прыйшоў у міліцыю і распавёў, што ў той дзень зрабіў прапанову дзяўчыне. Тая ў адказ выкінула пярсцёнак у акварыум. Юнак папрасіў прадаўца прынесці падхватнік, але чакаць дапамогі не стаў, а залез у ваду. Зараз яму прыйдзецца заплаціць больш чым 50 рублёў у якасці штрафу.