Напярэдадні Дня пажарнай службы ў Мінску сёння праходзяць святочныя мерапрыемствы. Па традыцыі на праспекце Незалежнасці адбыўся парад ратавальнікаў. У цэнтры больш за 30 машын спецтэхнікі, а ў небе - авіяцыя ратавальнікаў. У парку Горкага можна ўбачыць пляц-канцэрт узвода ганаровай варты, а таксама парад плаўсродкаў ратавальнікаў.
Наша здымачная група зараз у цэнтры падзей. На сувязь са студыяй выходзіць Уладзімір Каралёў. Мы знаходзімся ў самым цэнтры сталіцы - на плошчы Перамогі. Літаральна паўгадзіны таму тут скончыўся парад пажарнай тэхнікі. Аўтамабілі прайшлі ад цырка да плошчы Перамогі. Кульмінацыяй гэтага мерапрыемства стала авіяцыя ратавальнікаў.
Зараз у байцоў МНС невялікі перапынак. Але на гэтым урачыстасці не заканчваюцца. Што будзе далей, спытаемся ў памочніка міністра па надзвычайных сітуацыях Віталя Навіцкага.
Дзень пажарнай службы ў Беларусі святкуецца 25 ліпеня. Але паколькі сёлета свята выпала на рабочы дзень, панядзелак, ратавальнікі вырашылі арганізаваць урачыстасці загадзя.
