Шматтысячная калона з удзелам ветэранаў, кіраўнікоў горада і вобласці, прадстаўнікоў прадпрыемстваў і моладзі прайшла па праспекце Касманаўтаў. Пасля вянкі і жывыя кветкі леглі да Вечнага агню. Урачыстым маршам прайшлі войскі Гродзенскага гарнізона.
Валянціна Баранава, ветэран Вялікай Айчыннай вайны: "Мы бачым тут моладзь розных пакаленняў - ад школьнікаў да студэнтаў і курсантаў. І хочацца ім сказаць: радуйцеся, жывіце і ніколі не забывайце, якой цаной заваяваны гэты мір, які мы святкуем ужо 72 раз".
Прадоўжыліся святочныя мерапрыемствы на розных пляцоўках горада. Жыхары і госці ўбачылі выступленні войскаў Заходняга абарончага камандавання, канцэрт аркестра МНС і выступленне творчых калектываў. Вечарам запланавана масавае выкананне легендарнай "Кацюшы".
