Адно з галоўных хрысціянскіх свят у ноч на 7 студзеня адсвяткавалі Руская, Грузінская, Сербская, Балгарская, Канстанцінопальская і Іерусалімская праваслаўныя цэрквы, а таксама ўсе афонскія манастыры і стараверы. Нараджэнне Хрыстовае сустрэлі і праваслаўныя Беларусі. Усяночнае дбанне прайшло больш як у паўтары тысячы прыходах. Святочнае набажэнства ў Мінскім Свята-Духавым кафедральным саборы ўзначаліў Мітрапаліт Мінскі і Заслаўскі Патрыяршы Экзарх усяе Беларусі Павел.
Сёння ва ўсіх праваслаўных цэрквах працягваюцца святочныя набажэнствы. Адзначаць светлае свята Раства вернікі будуць 12 дзён. Столькі доўжацца Каляды - да Вадохрышча.
