Праваслаўныя вернікі сёння адзначаюць Дабравешчанне

Гэтае свята належыць да дванадзясятых і мае падвойны гасподска-багародзічны статус. Менавіта ў гэты дзень Багародзіцы з'явіўся арханёл Гаўрыіл і паведаміў ёй радасную вестку аб тым, што яна стане маці Збавіцеля. Сярод традыцый свята - выпяканне просвірак. У гэты дзень на набажэнствах можна ўбачыць святарства ў блакітным адзенні, якое сімвалізуе чысціню і бязгрэшнасць.

На Дабравешчанне здзяйсняецца літургія Іаана Залатавуста. Гэта паказвае на асаблівы святочны сэнс набажэнства. Гэта тыпова для вялікіх царкоўных святаў, але незвычайна для Вялікага посту.