Гэтае свята лічыцца адным з вялікіх і адзначаецца з чацвёртага стагоддзя. Пра з'яўленне на свет Дзевы Марыі нічога не сказана ў Евангеллі, але, згодна з царкоўнымі паданнямі, яна нарадзілася ў сталых бацькоў Іакіма і Ганны. Пара доўгі час была бяздзетнай і нараджэнне дачкі лічыла падарункам Бога. Ад гэтага ва ўзросце трох гадоў дзяўчынку прывялі ў храм і аддалі на навучанне ў царкоўнай школе. Будучую Маці Іісуса выхоўвалі ў цнатлівасці і дабрыні. Не толькі хрысціянства, усе рэлігіі свету з павагай ставяцца да асобы Божай Маці.
Паводле народнага календара, сёння - Асяніны. Нашы продкі прымячалі: якое надвор'е на Нараджэнне Маці Божай, такое будзе ўсю восень.
