Урад Беларусі падтрымае развіццё ўнутранага турызму на фоне эпідэміі

9 ноября 2020

Аб гэтым паведаміў у інтэрв'ю БелТА намеснік прэм'ер-міністра Ігар Петрышэнка. Сярод стымулюючых мер - развіццё новых маршрутаў, паляпшэнне інфраструктуры, падатковыя льготы, прэферэнцыі і гнуткая коштавая палітыка. А ў новым законе "Аб турызме" з'явяцца нормы, якія дадаткова рэгулююць спрэчкі турыстаў і фірмаў, якія ўзнілі з-за каранавіруса. Страхаванне, стварэнне спецфонду або банкаўская гарантыя з аднаго боку забяспечыць падушку бяспекі для туркампаній, з другога - гарантыю вяртання грашовых сродкаў падарожнікам.

Сітуацыя з захворваннем пад кантролем

Што датычыцца сітуацыі ў краіне з COVID-19 - яна пад кантролем! Ігар Петрышэнка адзначыў - перадумоў для пераходу школ на дыстанцыйнае навучанне няма. Аддалена займаюцца не больш як 10 працэнтаў студэнтаў. Пры выяўленні каранавіруса ў навучальных установах аператыўна прымаюцца меры, каб не дапусціць распаўсюджвання інфекцыі.

Створаны дастатковы запас сродкаў індывідуальнай аховы

Віцэ-прэм'ер таксама падкрэсліў - у краіне створаны дастатковы запас сродкаў індывідуальнай аховы для медустаноў на 45 дзён, і ён пастаянна папаўняецца. Арганізацыя ўласнай вытворчасці дазволіла практычна ў поўным аб'ёме закрыць патрэбнасць унутранага рынку.

Асаблівая ўвага ў гэты няпросты перыяд медыкам - даплаты за працу з кавіднымі хворымі ўжо атрымалі больш як 51 тысяча працаўнікоў аховы здароўя. На падтрымку было накіравана больш як 350 мільёнаў рублёў.