Размова ідзе пра некалькі пакетаў контрмер, якія закранаюць шматлікія адчувальныя для "партнёраў" сферы. Ад імпарту, калі доступ замежных тавараў будзе абмежаваны, да замяшчэння тэхналогій на расійскія і азіяцкія. Ужо сёння яны заменныя на 90 і больш працэнтаў. Увесь пакет контрсанкцый і канкрэтныя адрасаты пакуль не называюцца. Канкрэтны стоп-ліст напрамую залежыць ад агрэсіўнасці палітычных крокаў і рыторыкі нашых візаві ў Еўрасаюзе і Паўночнай Амерыцы. Пра гэта заявіў прэм'ер-міністр Беларусі ў эксклюзіўным інтэрв'ю нашаму тэлеканалу для праекта "Пытанне нумар адзін". Раман Галоўчанка падкрэсліў, што рэсурсы на абарону сваіх людзей і прадпрыемстваў у нашай краіны ёсць.
Адказнасць за наступствы санкцый - на агрэсарах
У нашай краіне працуюць сотні замежных кампаній. Толькі літоўскіх і польскіх каля 5 сотняў. Будзе шкада адмовіцца ад іх паслуг і тавараў. Але, як адзначыў прэм'ер-міністр, не Беларусь раскручвае сёння санкцыйную і гандлёвую вайну. Уся адказнасць за яе наступствы цалкам ляжыць на недальнабачных палітыках.
Чым напоўнена партнёрства з тымі, хто не гандлюе сяброўствам? А таксама бяспека і эканоміка як рэцэпт выжывальнасці ў перыяд ледзяной гібрыднай вайны. Кропкі над "і" ў вострых палітычных тэмах тыдня. Поўная версія праекта даступная на YouTube-канале Агенцтва тэленавін.
