Павучыцца будаваць якасна ў тых жа студэнтаў, як паказвае практыка, напэўна было б нядрэнна і некаторым забудоўшчыкам, якія ўжо працуюць на рынку. Павышаная ўвага да гэтай галіны апошнія месяцы шэраг праблем вырашыла і колькасць даўгабудаў скараціла значна, Усе ж прыклады з прыстаўкай анты пакуль не выключэнне. Новабудоўлі ў цэнтры Віцебска ўсяго 5 гадоў, а расколіны ў сценах такія, як быццам узрост у будынка вельмі паважны. Жыхары з моманту засялення паўтараюць адно: фірма-забудоўшчык падманула іх, дом знаходзіцца ў аварыйным стане.
Шукаць праўду адправілася наш карэспандэнт Вольга Маслоўская. Элітная цагляная новабудоўля ў цэнтры паўночнай сталіцы. Аднак жыхары яе ўжо не адзін год спрабуюць дабіцца ад забудоўшчыка той самай высокай якасці, за якую яны заплацілі немалыя грошы. Расколіны ў сценах, сырыя столі, няўстойлівы мур.
Сэканоміў забудоўшчык і на ацяпленні ў пад'ездзе і цокальным паверсе. Ад гэтага было вырашана адмовіцца яшчэ на ўзроўні праекта.
З моманту закладкі падмурка гісторыя гэтага будынка не прадвяшчала нічога добрага. Пяціпавярховы дом павышанай камфортнасці меў славу даўгабуда. Замест запланаваных паўтара года будынак узводзіўся чатыры.
Практычна столькі ж часу жыхары так званага элітнага дома спрабуюць дастукацца да забудоўшчыка. Аднак па адрасе фірма больш не значыцца, тэлефоны не адказваюць.
Замена казыркоў над уваходам у пад'езд і новая адмостка - гэта ўсё, чаго змаглі дабіцца людзі ад будаўнікоў. Астатнія праблемы давялося ўзяць на сябе камунальнікам. Дом прыняло на баланс мясцовае ЖРЭА.
Зараз жыхары чакаюць правядзення чарговай экспертызы. Спецыялісты па грамадзянскім будаўніцтве вызначаць узровень якасці пабудовы. Уладальнікі кватэр спадзяюцца, што вынікі праверкі дапамогуць ім абараніць у судзе свае правы.
