Замест школьнага двара - пляц, а замест касцюма - ваенная форма. У сталіцы ўрачыста прайшло прысвячэнне ў сувораўцы. Свае першыя пунсовыя пагоны прымерылі 75 сямікласнікаў. Менавіта столькі хлапчукоў сёлета прайшлі конкурс. 10 з іх паступілі ў спартыўны клас вучылішча.
Першакурснікі атрымалі наказ будучых камандзіраў і благаславенне свяшчэнніка. Яшчэ ў праграме гэтай незвычайнай лінейкі выступленні спецназа, бальныя танцы і, вядома, кранальнае развітанне з роднымі. Бо зараз дома ўчарашнія школьнікі будуць бываць толькі ў звальненнях.
Шматлікія з навабранцаў на свяце прысвячэння трымаюць у руках зброю першы раз. А вось пасля заканчэння вучылішча, паводле статыстыкі, ваенную спецыяльнасць для сябе выбіраюць 80% выпускнікоў.
