Пацярпелы ў ДТЗ пад Псковам беларус знаходзіцца ў бальніцы

Пасольства Беларусі ў Расіі адсочвае сітуацыю з ДТЗ у Пскоўскай вобласці, у якім пацярпеў наш суайчыннік. Як паведамілі прадстаўнікі камітэта па ахове здароўя, паранены двое - беларус і ўкраінец. Яны зараз у бальніцы. Загінулі 8 чалавек. Як мяркуецца, грамадзяне Украіны. Па факце аварыі была ўзбуджана крымінальная справа. Губернатарам Пскоўскай вобласці сітуацыя ўзята на асабісты кантроль. 

У ДТЗ пад Псковам загінулі 8 украінцаў

У лоб сутыкнуліся мікрааўтобус і грузавік. ДТЗ на трасе Р23, як паведамляецца, адбылося ў момант абгону. Паводле інфармацыі "Інтэрфакса", у мікрааўтобусе рабочыя вярталіся дамоў з горада Санкт-Пецярбурга.