Паўфінал конкурсу "100 ідэй для Беларусі" праходзіць сёння ў Салігорску

Школьнікі з пятнаццаці раёнаў Мінскай вобласці прадстаўляюць 25 інавацыйных праектаў. У гэтыя хвіліны праходзіць выстава-прэзентацыя. У абласны фінал прайшлі распрацоўкі юных вучоных розных напрамкаў: у галіне аграрнай прамысловасці, адукацыі, экалогіі і развіцця рэгіянальнага турызму.

Для школьнікаў, навучэнцаў каледжаў і ліцэяў праект "100 ідэй для Беларусі" - гэта магчымасць заявіць пра свае наватарскія ідэі і атрымаць дапамогу ў суправаджэнні праекта. Рэспубліканскі фінал конкурсу пройдзе ў лютым. Лепшыя каманды наведаюць расійскі інавацыйны цэнтр "Сколкава".