У Беларусі з'явіўся партал крэдытнага рэгістра. Каб запытаць неабходную інфармацыю, убачыць свае абавязацельствы перад банкамі і ацаніць шанцы на атрыманне пазыкі, трэба зайсці ў асабісты кабінет на сайце і прайсці ідэнтыфікацыю. Пакуль даведацца крэдытную гісторыю праз Інтэрнэт могуць толькі кліенты сістэмы дыстанцыйнага банкаўскага абслугоўвання аднаго з камерцыйных банкаў краіны. Неўзабаве паслуга будзе даступная і для іншых фінансавых устаноў. Крэдытны рэгістр не можа ўплываць на канчатковае рашэнне аб выдачы пазыкі, яго прымае банк з улікам выбранага крэдытнага прадукту. Аднак новы сэрвіс, упэўнівае нацыянальны рэгулятар, усё ж неабходны фізічным асобам.
Зараз крэдытная гісторыя выдаецца бясплатна раз на год. Адзін раз бясплатна можна атрымаць звесткі і на партале. Прыкладна за 50 000 рублёў запытаць інфармацыю на паперы можна неабмежаваную колькасць разоў. Да канца гэтага квартала платныя паслугі пачнуць ажыццяўляцца і анлайн. Аднак кошт будзе меншы за цану друкаванай справаздачы.
