Польскія пагранічнікі збілі і пакінулі ў лесе бежанца з Сірыі

Пра чарговы выпадак жорсткасці польскіх пагранічнікаў паведамляе польскі партал журналісцкіх расследаванняў OKO.press. У лесе знайшлі збітага маладога чалавека з Сірыі. Ён расказаў, што яго павалілі на зямлю, распылялі ў твар пярцовы балончык, адзін з польскіх афіцэраў стаў яму на грудзі. Затым забралі рэчы - сумку з ежай, пітвом і асабістымі рэчамі. Малады чалавек таксама паведаміў, што польскія пагранслужбы тройчы адціскалі яго на беларускую  тэрыторыю. Перш чым яго знайшлі праваабаронцы, ён знаходзіўся ў лесе некалькі дзён практычна без рэчаў і ежы. Спрабаваў перасекчы раку. Раней праваабаронцы Granica Group паведамлялі аб выпадку ля польскага мястэчка Гайнаўка. Там былі збітыя і абрабаваныя трое мігрантаў - двое з Ірака і адзін з Сірыі. Таксама ёсць інфармацыя аб смерцях трох выхадцаў з Емена і аднагадовага дзіцяці з Сірыі на тэрыторыі Польшчы недалёка ад мяжы з Беларуссю.