Саюз дэпутатаў і журналістаў
Больш інфармацыі і бліжэй да людзей. Такімі сталі асноўныя прынцыпы падпісанага дакумента аб стварэнні адкрытага парламенцкага клуба пры Пастаяннай камісіі па міжнародных справах Палаты прадстаўнікоў і Беларускага саюза журналістаў. Галоўныя мэты новага органа - узаемадзеянне дэпутатаў з экспертамі, стратэгічнае планаванне міжнароднай дзейнасці парламентарыяў, а таксама ўмацаванне ўзаемаадносін паміж дэпутацкім корпусам і журналістамі.Андрэй Крывашэеў, старшыня праўлення Беларускага саюза журналістаў:
"Па-першае, гэта прамы доступ да людзей, якія фарміруюць у парламенце наш міжнародны парадак дня яшчэ да прыняцця ключавых рашэнняў. Яшчэ да азначэння палітычных і знешнепалітычных, геапалітычных задач нашы журналісты ў рэжыме клуба будуць ведаць інсайд, у якім кірунку рухаецца беларуская дыпламатыя і беларускі парламент. Па-другое, гэта прынцыпова важна, як спосаб дадатковай камунікацыі паміж парламентарыямі і выбаршчыкамі".
