Падрыхтоўку да магчымага адбіцця агрэсіі адпрацоўваюць беларускія вайскоўцы на камандна-штабных вучэннях. Важны элемент другога дня манеўраў - якасная сувязь паміж воінскімі падраздзяленнямі. На першым этапе ўжо адпрацаваныя кіраванне падначаленымі злучэннямі, барацьба з незаконнымі ўзброенымі фарміраваннямі і дыверсантамі. Для вайскоўцаў створана дынамічнае становішча, якое патрабуе неардынарных падыходаў, умення хутка арыентавацца ва ўмовах абмежаванага часу, дэталёвага ведання ўзбраення і тэхнікі. У цесным звязку пры гэтым павінна быць авіяцыя і войскі СПА для прыкрыцця важных дзяржаўных і ваенных аб'ектаў.
Дзмітрый Сіліцкі, начальнік цэнтра 85-й брыгады сувязі Узброеных Сіл Беларусі: "На гэты момант 85-я брыгада сувязі разгарнула 325 км радыёрэлейных інтэрвалаў, 60 км трапасферных інтэрвалаў і прыкладна 6 км кабельных ліній сувязі па ўсіх палігонах Рэспублікі Беларусь. Выконваюць задачу пакуль на ацэнку "выдатна". Вось… Набраныя ўсе віды сувязяў".
Больш за 7 000 вайскоўцаў і 260 адзінак бранятанкавай тэхнікі. Маштабныя манеўры разгарнуліся на шасці пляцоўках у Брэсцкай, Гродзенскай, Мінскай і Магілёўскай абласцях і праходзяць у два этапы.
