У Строчыцах – Музеі народнай архітэктуры і побыту - 15-га чэрвеня ўсе ахвотнікі змогуць прадэгуставаць самыя смачныя экзэмпляры ад беларускіх вытворцаў. Аналагічныя мерапрыемствы - святы віна, шакаладу, кавы – шмат гадоў радуюць жыхароў Еўропы і Амерыкі. Фестывалі сыру на піку папулярнасці ў Італіі, Ірландыі, Канадзе, Брытаніі, Украіне. Фестываль абяцае быць маштабным з улікам таго факту, што наша краіна ўваходзіць у пяцёрку вядучых экспарцёраў малочнай прадукцыі ў свеце. Арганізатары разлічваюць на зацікаўленасць сырным святам як беларусаў, так і замежных гасцей.