Амаль 300 тысяч рублёў са сродкаў спецфонду Прэзідэнта Беларусі накіруюць на падтрымку таленавітай моладзі. Кіраўнік дзяржавы напярэдадні падпісаў адпаведнае распараджэнне. 179 студэнтаў і курсантаў атрымаюць стыпендыі, пераможцы міжнародных алімпіяд і конкурсаў - грашовыя прэміі. Таксама заахвочаны навуковыя і педагагічныя працаўнікі, якія ўнеслі ўклад у развіццё здольнасцяў адораных маладых людзей. Частку сумы накіруюць на ўмацаванне матэрыяльна-тэхнічнай і метадычнай базы адной са студэнцкіх лабараторый БДУ.