Маленькіх жыхароў рэгіёна, народжаных у Міжнародны дзень міру, і іх маці павіншавалі актывісты Беларускага фонду міру. Шчаслівыя мамы атрымалі кветкі і падарункі.
Вольга Бут, шматдзетная маці: "У мяне тры дачкі: старэйшай - 14, сярэдняй - 10, потым - маленькая - 2,5 года і хлопчык вось нарадзіўся. На той момант неяк не ўзнікала пытання, які гэта дзень. І ніхто не гаварыў, а апынулася - такое вялікае свята".
Цімафей Глушакоў, старшыня Гомельскага абласнога аддзялення Беларускага фонду міру: "Вось гэтая акцыя, я лічу, вельмі важная, важная шмат у чым. Па-першае, мы некалькі ўзнімаем ролю і значнасць маці, жанчыны, што сёння вельмі важна. І, зыходзячы з нашых фінансавых магчымасцяў, мы маці аказваем дапамогу".
Дарэчы, за 12 гадоў правядзення акцыі ў Гомельскай вобласці з'явілася на свет 714 дзяцей міру.
