Гатоўнасць месцаў адпачынку і пляжаў Мінскай вобласці да новага сезона
У Аляксандра Мірановіча перад пачаткам купальнага сезона традыцыйна шмат працы. Ён адказвае за падрыхтоўку вадасховішчаў вобласці. Спецыялісты лясной гаспадаркі на працягу некалькіх месяцаў наводзілі парадак ля вады. Паводле слоў ляснічага, прыбярэжныя зоны адпачынку гатовыя, засталося дачакацца добрага надвор'я.Аляксандр Мірановіч, дырэктар Бараўлянскага спецлясгаса: "Мерапрыемствы праводзім па ўладкаванні ўсё тыя ж: ачыстка тэрыторыі, рамонт пляжнага абсталявання. Вось тут у нас найпрасцейшае месца адпачынку арганізавана. Бабулі і дзядулі - пажылыя людзі назіраюць за малышамі ў вадзе, ім цяжка стаяць. Таму сталі рабіць такія лавачкі і да іх ужо столікі".
Для летняга адпачынку абнавілі абсталяванне на ўзбярэжжах, уладкавалі новыя дзіцячыя і спартыўныя пляцоўкі. З'явілася больш кабінак для перапранання і мангалаў. Акрамя таго, спецыялісты апрацавалі акваторыі - прыбралі водную расліннасць і ачысцілі дно.
Аляксандр Мірановіч, дырэктар Бараўлянскага спецлясгаса: "Працуе ў нас вадалазная служба. Спецыяльна выклікаем і абследуем донны зрэз ля пляжа. Як правіла, да двух метраў глыбіні, далей не заходзім. Там застаецца пасля зімы смецце, снасці рыбакоў. Усё гэта прыбіраем".
Для захавання чысціні на тэрыторыі ўсталявалі дзясяткі новых кантэйнераў для смецця. На працягу ўсяго сезона кожны тыдзень на прыбярэжнай тэрыторыі будуць касіць газон.
Купальны сезон
Бяспека каля вады - перш за ўсё. Таму на кожным пляжы зараз усталяваныя вось такія інфармацыйныя таблічкі, якія паказваюць менавіта тыя месцы, дзе ўваход у ваду дазволены.Супрацоўнікі службы АСВОД таксама гатовыя да пачатку сезона
За кожным пляжам замацаваны пункт назірання. Ратавальнікі працуюць штодня, рэгулярна выязджаюць на агляд акваторыі.Юрый Штурхецкі, вадалазны спецыяліст Мінскай гарадской арганізацыі АСВОД: "У нас вядзецца назіранне стала з вышкі назіральнай. Калі вахтавы прымячае чалавека на вадзе, выбывае экіпаж на катары - мінімум два вадалазы, матарыст і медык - проста да пацярпелага і неадкладна аказваюць першую дапамогу".
З першага мая толькі ў Мінскім раёне з вады выратавалі дзесяць чалавек. Спецыялісты нагадваюць простыя правілы бяспекі: уваходзіць у ваду строга ва ўстаноўленых месцах, не заплываць за буйкі і не пакідаць без нагляду дзяцей.
