Новы ўдар еўрапейскага шторму. Сёння раніцай беларускую сталіцу накрыў заходні атмасферны фронт. Моцны лівень прадаўжаўся паўтары гадзіны і паспеў стварыць праблем для мінчан. Раптоўныя водныя патокі практычна блакіравалі для транспарту вуліцы Казлова, Пушкіна-Прытыцкага, Лагойскі тракт, раён парку Чалюскінцаў і Зялёны Луг. Паплыла Ангарская, Партызанскі праспект і плошча Бангалор. Возера - на Арлоўскай. Амаль уся сталіца ў гэты час нагадвала Венецыю.
Інтэрнэт адразу ж запоўнілі фота і відэа з розных частак горада. Вось кадры таго, як прачынаўся сёння Мінск. Стыхія прыйшла ў самую гадзіну пік. Раніцай выпала двухтыднёвая норма ападкаў. Узровень вады ў некаторых месцах дасягаў 30 сантыметраў. Цяперашні патоп ужо прэтэндуе на тое, каб стаць самым буйным за апошні год. Ратавальнікі спрабуюць максімальна хутка ліквідаваць наступствы шторму. З 8 раніцы быў абвешчаны план Пасейдон. 36 чалавек эвакуіравалі з аўтобусаў і трамваяў.
Інтэрнэт адразу ж запоўнілі фота і відэа з розных частак горада. Вось кадры таго, як прачынаўся сёння Мінск. Стыхія прыйшла ў самую гадзіну пік. Раніцай выпала двухтыднёвая норма ападкаў. Узровень вады ў некаторых месцах дасягаў 30 сантыметраў. Цяперашні патоп ужо прэтэндуе на тое, каб стаць самым буйным за апошні год. Ратавальнікі спрабуюць максімальна хутка ліквідаваць наступствы шторму. З 8 раніцы быў абвешчаны план Пасейдон. 36 чалавек эвакуіравалі з аўтобусаў і трамваяў.
Да гэтай гадзіны ў сталіцы аднавілі рух усіх маршрутаў грамадскага транспарту. Несуцяшальныя прагнозы робяць сіноптыкі і на сённяшні вечар - рухаецца яшчэ адзін цыклон. Моцныя дажджы вернуцца ў Мінск. Але вось, што датычыцца дакладнасці падтапляемых раёнаў, тут ужо каму як пашанцуе - адзначыла галоўны сіноптык Гідраметцэнтра.
