Першыя моладзевыя пікеты ў падтрымку парламенцкіх выбараў прайшлі сёння ў Беларусі.
У сталіцы актывісты БРСМ запрашалі гараджан зрабіць фота з хештэгам #яприду або стварыць партрэт ідэальнага дэпутата. Расказвалі таксама і пра мабільную гульню "Галасую", якая будзе цікавая геймерам рознага ўзросту. Дарэчы, такія пікеты не варта блытаць з агітацыяй кандыдатаў у дэпутаты. Да іх моладзевы актыў не мае ніякага дачынення. Галоўная задача - павысіць электаральную актыўнасць беларусаў.
Такія пікеты моладзевая арганізацыя будзе праводзіць кожны тыдзень у суботу не толькі ў сталіцы, але і ў абласных і раённых цэнтрах аж да выбараў у Палату прадстаўнікоў. Нагадаем, яны пройдуць 17 лістапада.
Пікеты БРСМ заклікаюць выбаршчыкаў быць актыўнымі на выбарах дэпутатаў
26 октября 2019