Першы ў гісторыі Венскі баль прайшоў у Палацы Незалежнасці

29 Снежня 2019
І як прынята ў самой Аўстрыі, мерапрыемства падтрымаў Прэзідэнт! Венскі баль у Мінску прайшоў строга ў адпаведнасці са шматвяковымі традыцыямі. Тут і распарадчык балю, і танцмайстар - практычна кожная рэпетыцыя пры ўдзеле аўстрыйскіх калег. Такія строгія правілы дыктуе ЮНЕСКА, бо Венскі баль унесены ў спіс культурнай спадчыны. Свята адкрыла класічная частка - у бальнай карце 6 танцаў. Сярод іх добра вядомыя паланэз, венскі вальс, полька. Зала Палаца Незалежнасці аб'яднала ў велічных па амаль 4 сотні чалавек, сярод якіх вышэйшыя службовыя асобы, міністры, дыпламаты, замежныя госці. Але галоўная ўвага, вядома, дэбютантам - гэта 72 пары - маладыя хлопцы і дзяўчаты, хто атрымаў запрашэнне на баль дзякуючы сваім поспехам у вучобе, творчасці, спорце. Звяртаючыся да гасцей свята, Аляксандр Лукашэнка адзначыў, што мастацтва адкрывае новыя магчымасці для ўмацавання дружалюбных сувязяў паміж народамі і цэлымі дзяржавамі, і паабяцаў - Венскі баль стане традыцыйным у Беларусі.

Ганаровы госць свята - пасол Аўстрыі ў Беларусі - пасля прызналася, еўрапейскія бальныя традыцыі гарманічна ўпісаліся ў беларускую рэчаіснасць, пры гэтым набылі нацыянальны каларыт. Але вядома, венскае свята асабліва запомніцца яго ўдзельнікам, якія да выхаду, хай і не на паркет, рыхтаваліся некалькі месяцаў.

Венскі баль, сапраўды, цудоўная новая традыцыя, якая аб'яднала прыгожых душой людзей. А веліч залы ўрачыстых цырымоній Палаца Незалежнасці яшчэ больш падкрэсліў маштаб свята.