Першыя ахоўныя дзверы манціруюць на станцыі метро "Кавальская слабада"

У сталічнай падземцы ўсталёўваюць першыя ахоўныя дзверы. Рассоўныя комплексы ўжо манціруюць на новай станцыі "Кавальская слабада". Працаваць яны будуць аўтаматычна дзякуючы сэнсарным датчыкам пры пад'ездзе цягніка. Самі канструкцыі антывандальныя - гэта алюміній і двухпластовае звышмоцнае шкло. Ахоўныя экраны размешчаныя ўздоўж усяго перона, прадугледжаныя і аварыйныя выхады. Тэндар на ўсталёўку выйграла турэцкая кампанія, якая спецыялізуецца на чыгуначнай прамысловасці.

Максім Тарашкевіч, галоўны механік УП "Мінскметрабуд": "Патрабавалася вялікая дакладнасць па вынасцы кожнай стойкі. Тут да міліметра прыходзілася лавіць памеры. Галоўнае патрабаванне - гэта ізаляцыя ад станцыйнага комплексу. Гэтыя дзверы выконваюць абарону пасажырапатоку ад падзення на рэйкавыя пуці".

"Кавальская слабада" - пакуль што канчатковая станцыя трэцяй веткі мінскага метро. Наступная па праекце - "Аэрадромная". Зараз там працуе тунэлепраходны комплекс "Алеся".