Мерапрыемства прайшло ў Камітэце дзяржкантролю. 12 хлопцам і дзяўчатам іх галоўны дакумент уручыў старшыня ведамства Леанід Анфімаў. Запрашэнні на ўрачыстую падзею атрымалі выдатнікі вучобы, спартсмены і пераможцы творчых конкурсаў. Уручэнне пашпартоў праходзіць у рамках штогадовай акцыі "Мы - грамадзяне Беларусі".
Леанід Анфімаў, старшыня Камітэта дзяржкантролю Беларусі: "Такія мерапрыемствы, якія мы праводзім, гэта не толькі ўручэнне пашпартоў, але і сустрэчы з моладдзю, удзел у розных мерапрыемствах прадстаўнікамі і кіраўнікамі ўсіх органаў, павінны быць абавязковымі. Першым чынам, праз іх перадаецца любоў да Радзімы, і мы даносім нашу любоў, якая сёння ў кожнага ў крыві дарослага чалавека да Беларусі. Даносім і спрабуем перадаць маладому пакаленню. Пачуццё высокага патрыятызму, пачуццё адказнасці. І пачуццё прыналежнасці да грамадзянства Рэспублікі Беларусь".
Фінальны этап акцыі "Мы - грамадзяне Беларусі" адбудзецца заўтра - у Дзень Канстытуцыі. Шматлікія школьнікі атрымаюць свой першы пашпарт у новым будынку Канстытуцыйнага суда.
