Першая ахвяра каранавіруса зафіксаваная па-за Кітаем

На Філіпінах памёр 44-гадовы мужчына, які прыехаў у краіну з Ухані.  Да гэтага ўсе смяротныя выпадкі праз новы вірус прыходзіліся на тэрыторыю КНР. Такім чынам, загінуўшых ужо 304, колькасць інфікаваных падбіраецца да 15 000. Краіны адна за адной закрываюць межы для ўсіх, хто прыязджае з з Кітая, нягледзячы на тое што Сусветная арганізацыя аховы здароўя падобныя меры пакуль не рэкамендуе. Так, Масква часова забараніла бязвізавыя турыстычныя паездкі паміж Расіяй і Кітаем. Прыпынілася і выдача рабочых віз.

Тым часам Міністэрства сельскай гаспадаркі Кітая папярэджвае: у правінцыі Хубэй, той самай, дзе знаходзіцца Ухань, зарэгістравалі яшчэ адзін выбух - гэтым разам птушыны грып. Пра выпадкі заражэння чалавека інфармацыі не паступала, аднак на адной мясцовай ферме ад віруса ўжо загінулі 4 500 птушак.