Уніфікацыя заканадаўства, адзіныя падыходы і спрашчэнне судовых працэдур: першая рэспубліканская канферэнцыя суддзяў прайшла ў Мінску. У яе склад увайшлі спецыялісты канстытуцыйнага, вярхоўнага судоў, а таксама іншых ведамстваў агульнай юрысдыкцыі - па 20 чалавек ад кожнай вобласці. Галоўная задача - умацаванне аўтарытэту судовай улады і ўдасканаленне сістэмы.
Валерый Калінковіч, першы намстаршыні Вярхоўнага суда Беларусі: "Што ж датычыцца пытанняў сённяшніх, больш рабочых і неабходных у паўсядзённым жыцці, як і было прадугледжана, такое досыць шырокае прадстаўніцтва органаў судзейскай супольнасці. Гэта такі, на наш погляд, аптымальны рабочы орган, які можа вырашаць ускладзеныя на яго задачы. Гэты орган досыць мабільны, які мае права абмяркоўваць амаль любыя пытанні, звязаныя з функцыянаваннем і развіццём судовай улады, з фарміраваннем судзейскага корпусу".
Па выніках канферэнцыі вырашана распрацаваць і ўкараніць адзіны кодэкс для грамадзянскіх і эканамічных спраў, а таксама працягнуць працу па спрашчэнні судовых працэдур і пераходу да апеляцыйнага парадку перагляду пастаноў.
