Доўгачаканае наваселле адзначыла першая дзіцячая паліклініка Брэста. Амаль 30 гадоў яна тулілася па розных адрасах. Сёння для самых маленькіх жыхароў горада гатовы новы шасціпавярховы будынак з сучасным абсталяваннем. Лабараторыя дазваляе атрымліваць вынікі аналізу за 40 секунд. Высокадакладны эндаскоп - пакуль адзіны ў горадзе па сваіх магчымасцях - для дыягностыкі кішачных захворванняў. Рэнтгенапарат з лічбавай сістэмай кіравання, які дазваляе захоўваць у архіве здымкі да 100 гадоў. Паліклініка можа прыняць да 28 тысяч пацыентаў. Графік працы ўрачоў разлічаны на 600 наведванняў за адну змену.