Аб'яднаць аўтарытэты народнага выбранніка і самага буйнога грамадскага аб'яднання краіны, каб разам вырашаць праблемы, якія хвалююць беларусаў.
Пра перспектывы ўзаемадзеяння Белай Русі і дэпутатаў сёння ішла гутарка ў Мінску на сустрэчы кіраўніцтва найбуйнейшай грамадскай арганізацыі з актывам Брэсцкай вобласці і кіраўнікамі дэпутацкіх груп гэтага рэгіёна. Як адзначыў кіраўнік Белай Русі Аляксандр Радзькоў, гэтая сустрэча ў першую чаргу дае магчымасць даведацца, з якімі пытаннямі прыходзяць людзі да дэпутатаў і наколькі эфектыўна гэтыя пытанні вырашаюцца, калі ў народнага выбранніка ёсць яшчэ і падтрымка самага аўтарытэтнага грамадскага аб'яднання краіны.
Аляксандр Радзькоў, старшыня РГА Белая Русь, першы намеснік кіраўніка Адміністрацыі Прэзідэнта Беларусі: Важна, што тут дэпутаты мясцовых саветаў, таму што мы досыць добра прадстаўленыя і актыўныя ў буйных гарадах і на буйных прадпрыемствах, у асяроддзі інтэлігенцыі, але, на жаль, нас не шмат у СВК, на сяле. Вось туды мы хочам дайсці, таму што там таксама людзі актыўныя, разумныя, яны жадаюць удзельнічаць у развіцці дзяржавы.
Адной з галоўных тэм сустрэчы стаў і ўдзел грамадскага аб'яднання ў галоўнай палітычнай падзеі наступнага года. І тут акцэнт на працы з моладдзю. Прычым не выпадкова менавіта брэсцкі актыў Белай Русі завуць самым маладым. І справа тут не ў датах стварэння арганізацыі ў рэгіёне, а ва ўзросце актывістаў.
